చినుకులా రాలి(నాలుగు స్తంబాలాట)

ఆ రోజుల్లో నరేష్ లవర్ బాయ్ అంట నాలుగు స్తంబాలాట లో పాట ఇది ... చాలా బాగుంటుంది సంగీతం ...సాహిత్యం.. అన్నట్లు పూర్ణిమా ఎన్ని సినిమాల్లో చూసినా అలాగే ఉంటుంది మొహం మారదుఆ అమ్మాయిది .. మా చెల్లి లాగే :)


చినుకులా రాలి నదులుగా సాగి వరదలై పోయి కడలిగా పొంగు
నీ ప్రేమ నా ప్రేమ నీ పేరే నా ప్రేమ
నదివి నీవు కడలి నేను మరిచి పోబోకుమా మమత నీవే సుమా
చినుకులా రాలి నదులుగా సాగి వరదలై పోయి కడలిగా పొంగు
నీ ప్రేమ నా ప్రేమ నీ పేరే నా ప్రేమ

ఆకులు రాలే వేసవి గాలి నా ప్రేమ నీ చూపులే
కుంకుమ పూసి వేకువ నీవై తేవాలి ఓదార్పులే
ప్రేమలు కోరే జన్మలలోనె నే వేచి వుంటానులే
జన్మలు తాకే ప్రేమను నేనై నే వెల్లువౌతానులే వెల్లువౌతానులే
హిమములా రాలి సుమములై పూసి రుతువులై నవ్వి మధువులై పొంగి
నీ ప్రేమ నా ప్రేమ నీ పేరే నా ప్రేమ
శిశిరమైనా శిధిలమైనా విడిచి పోబోకుమా విరహమైపోకుమా


తొలకరి కోసం తొడిమను నేనై అల్లాడుతున్నానులే
పులకరమూదె పువ్వులకోసం వేసారుతున్నానులే
నింగికి నేల అంటిసలాడే ఆ పొద్దు రావాలిలే
పున్నమి నేడై రేపటి నీడై నా ముద్దు తీరాలిలే ఆ తీరాలు చేరాలిలే
మౌనమై మెరిసి గానమై పిలిచి కలలతో అలిసి గగనమై ఎగసి
ఈ ప్రేమ నా ప్రేమ తారాడే మన ప్రేమ
భువనమైనా గగనమైనా ప్రేమ మయమే సుమా ప్రేమ మనమే సుమా